Իմաստասէր ոմն աղքատ ունէր ծոյլ որդիս եւ ի ժամ մահուն կոչեաց զորդիսն եւ ասէ.
— Ո՛վ որդիներք, բազում գանձ կայ պահեալ ի հարցն իմոց յայգին մեր, իսկ զտեղին ոչ ցուցանեմ ձեզ, այլ որ աշխատի ևւ խորագոյն փորէ, նա գտանէ զգանձն:
Եւ յետ մահուն հօրն, սկսան որդիքն ջանալ մեծաւ աշխատութեամբ եւ խորագոյն վարէին, եւ ամէն մէկ իւրն ջանայր, զի ինքն գտցէ զգանձն:
Եւ սկսաւ այգին աճիլ եւ զօրանալ եւ ետ բազում պտուղ եւ ելից զնոսա գանձիւ:
Բառարան
ոմն – մի մարդ, մեկը (ոմն աղքատ – մի աղքատ մարդ)
որդիս – որդիներ
ի ժամ մահուն – մահվան ժամին
կոչեաց – կանչեց
զորդիսն – որդիներին
որդեակք – որդյակներ
պահեալ – պահված
ի հարցն իմոց – իմ հայրերից, իմ հայրերի կողմից
յայգին – այգում
զտեղին – տեղը
ոչ ցուցանեմ – ցույց չեմ տալիս
որ – ով, ով որ
խորագոյն – ավելի խոր
փորէ – այստեղ` փորի
գտանէ – այստեղ` կգտնի
յետ մահուան հօրն – հոր մահվանից հետո
մեծաւ աշխատութեամբ – մեծ չարչարանքով
վարէին – վարում էին
իւր ջանայր – ինքն էր ջանում (ձգտում էր)
զի – որ, որպեսզի
գտցէ – գտնի, կգտնի, պիտի գտնի, գտնելու է
ետ – տվեց
ելից – լցրեց
զնոսա – նրանց
գանձիւ – գանձով
Հարցեր և առաջադրանքներ
1. Ճիշտ կարդա այս բառերն ու բառակապակցությունները.
Կոչեաց, որդեակք, պահեալ, աշխատութեամբ, յայգին, յետ, զտեղին, զգանձն, զնոսա, մահուան, խորագոյն, իւրն:
2. Հետևյալ բառերն ու բառակապակցություններն աշխարհաբար դարձրու.
ասէ — ասել,
որդիքն — որդիները,
սկսան — սկսեցին,
յայգին մեր — մեր այգին,
զգանձն — գանձը,
սկսաւ — սկսեցին,
բազում պտուղ — բազմապտուղ,
ետ բազում պտուղ — պտղաբեր:
3. Աշխարահաբար դարձրու առակը:
Մի իմաստասեր, բայց աղքատ մարդ ուներ ծույլ որդիներ և իր մահվան ժամին նա կանչեց իր որդիներին և ասաց.
— Ո՛վ որդիներ, իմ հայրերը մեր այգում բազում գանձեր են պահել, բայց ես դրա տեղը ձեզ ցույց չեմ տա, այլ, ով որ աշխատի և ավելից խորը կփորի, նա էլ կգտնի գանձը:
Եվ հոր մահվանից հետո որդիները սկսեցին ինչքան հնարավոր է խորը փորել ամեն մեկը փորձում էր գտնել գանձը։
Եվ սկսեց այգին զորանալ և տվեց շատ պտուղներ և դարձավ իրենց հարստությունը:
4. Ինչի՞ց է երևում հոր իմաստասեր լինելը:
Հոր իմաստասեր լինելը երևում այն փաստից, որ նա կարողացավ իր որդիներին գործի դնել և նրանց միջոցով բարեկարգել իրենց այգին։
5. Մեկ նախադասությամբ գրիր` ի՞նչ է ցույց տալիս առակը: