Այս տարի ես մեծ բավականություն եմ ստացել իմ ամառային արձակուրդից, որի մի մասն անց եմ կացրել մեր դպրոցի ամառային ճամբարում, իսկ մյուս մասը անց եմ կացրել մայրիկիս և հայրիկիս հետ ճամփորդելով, գրքեր կարդալով և հետաքրքիր հաղորդաշարեր և մուլֆիլմեր դիտելով։ Ամառային ճամբարում շատ լավ ժամանակ եմ անցկացրել լողավազանում ճամբարական ըկերներիս հետ միասին։ Սիրում եմ մեր դպրոցի ագարակը, որտեղ շատ տարբեր կենդանիներ կան, և տարբեր բույսեր են աճում։ Ճամբարում շատ հետաքրքիր օրեր եմ անցկացրել․երգել ենք, պարել ենք, օճառապղպջակներ ենք պատրաստել, մուլտեր ենք դիտել և քննարկել ենք դրանք։ Ամառային արձակուրդի մյուս մասն անց եմ կացրել մայրիկիս և հայրիկիս հետ ճամփորդելով՝ այս անգամ դեպի Լոռի մարզի մի քանի բնակավայրեր՝ Օձուն, Արևածագ գյուղ, ինչպես նաև դեպի Սևանա լիճ, Դիլիջան և Գյումրի քաղսքներ։ Ամառվա ընթացքում կարդացել եմ մի քանի գրքեր “Չառլին և շոկոլադի գործարանը”, “100 դասական հեքիաթ”, “Մյունհաուզենի արկածները”, Ռոդարիի “Հեքիաթներ հեռախոսով” գիրքը, մի շարք հետաքրքիր փաստեր իմ երկու հատորանոց հանրագիտարանից և այն։
Ահա թե ինչպես եմ անցկացրել իմ ամառային արձակուրդը 🙂 🙂 🙂